我出生于80年代，從記事起，就好奇洋房里個點滴事物。我經(jīng)常問我母親問題，而伊也自幼生活于此。從聽到個一眼零碎個信息里，我纔了解到莊家個部分故事。莊錫慶本人，我並未見過。 我一直弗歡喜洋房個暗洞：從房子東面進來，過道狹窄，終年弗見太陽，漆黑陰冷，日里向走走也抖抖豁豁。 我問母親：“上海人住房緊張，條件儕弗理想，我懂個。但為啥阿拉小區(qū)個暗洞要箇恁設計？” 伊答道：“箇幢房子一開始並弗是公房，而是一個五金廠老板個花園洋房。 “老板個名字叫莊錫慶。阿拉103號弄堂大門口有兩個字，雖然畀人家用水泥存心涂過，但還是看得見印子：‘錫慶里，1922年建’，就是莊錫慶個名字。莊錫慶住進來埃歇，洋房弗比孫中山故居遜色，一等一個豪華。 “現(xiàn)在103號弄堂大門口個位置，本來是鐵門，靠了旁邊石頭圍墻，門一關，就是莊錫慶私人財產(chǎn)。按伊設想，洋房入口垃南面。大理石個臺階，寬得來可容三個人平排走。拱形個大門，兩邊柱頭，高頭遮陽棚。拱門進來個胡梯，直通二樓客堂間，就是現(xiàn)在萬伯伯屋里。 “之所以有得暗洞，是因為房子經(jīng)歷了兩次歷史事件。錫慶里垃原法租界內(nèi)，以唐家灣為界，同時代還有英美等國個公共租界。1941年，太平洋戰(zhàn)爭爆發(fā)，東洋人拿法英美等國個人趕脫，一時上海灘盜賊橫行。莊錫慶為保平安，拿洋房南面?zhèn)€門封脫，胡梯拆脫。東面開出入口，存心修成暗洞，讓外人弗容易進得來。暗洞盡頭，搭出臨時木頭胡梯，通二樓西面后廂房。日軍投降以后，莊錫慶放之炮仗，拿南面?zhèn)€正門再修成替原先一樣。伊是完美主義者，拿暗洞到底個臨時胡梯拆脫了。 “到了五幾年碰著公私合營，莊錫慶為躲避仇家，再拿南面?zhèn)€拱門胡梯拆脫，重新啟用暗洞，再造臨時胡梯。箇趟伊財力吃緊，所以造了介搭漿?！?我問：“莊錫慶屋里介好，一定是大老板咯？伊是哪恁個人阿？” 母親說：“我也沒看見過伊，只認得伊兩個囡兒。 “我小辰光跟了儂外公、外婆搬進箇幢房子。除脫阿拉，還有張阿姨跟大張姐姐、小張姐姐。張阿姨自家住垃馬桶間隔壁朝東個小間，讓大張姐姐睏垃前頭西面箇間，小張姐姐睏垃東面最南間。其他房間儕已經(jīng)畀空關鎖脫了，包括一樓替三層樓所有個房間。 “媽媽小辰光替小張姐姐白相了最好。伊拉屋里有隻風琴，我經(jīng)常去彈。伊書架高頭儕是樂譜，里向頭還夾了幾張黑膠唱片，不過留聲機壞脫放弗出聲音。偶爾看到伊翻樂譜辰光，眼神有點異樣，弗像小學生應該有個。 “張阿姨垃吉安路個廠里上班，后首來廠改成了小學，就是儂讀個小學，原先埃面是法藏講寺。張阿姨為之多賺兩鈿，畀張家兩個姐姐吃牛肉，工作賣力，替領導要求做夜班。日里向，伊還要買小菜、汏衣裳、生煤爐、燒飯。 “我從來就沒看見過張阿姨拉先生，就問外公究竟。伊講：‘張阿姨沒結(jié)過婚，老早是莊錫慶個傭人，比女主人小十多歲。莊錫慶是資本家，前兩年去香港做生意了，兩個小姑娘實際浪姓莊，是伊個囡兒。不過記牢：儂垃外頭人面前千萬只好叫伊拉張姐姐，否則要闖禍?！?我問：“葛末莊錫慶兩個囡兒我也沒看到過呀。或者是囡兒個后代又改姓了，所以我弗認得？” 母親講：“弗是。兩個囡兒后首來儕出過事體。 小張姐姐沒讀初中，畢業(yè)以后就替社會接觸了。伊歡喜帶人到張阿姨替大小張姐姐屋里參觀。有段辰光，伊專門帶同一個哥哥轉(zhuǎn)來，迭個哥哥比大張姐姐還大幾歲。張阿姨好像弗大歡喜迭個哥哥，背后頭講伊是小流氓。之后，小張姐姐從夜到老晏轉(zhuǎn)來，發(fā)展到夜不歸宿，有一日出去之后就再無音訊，直到張阿姨過世！” 我問：“伊畀小流氓拐脫了？” 母親答：“‘小流氓’弗一定哪恁流氓。但我猜想，小流氓亂軋壞淘，朋友個朋友個朋朋友里向有得拐子大流氓，就發(fā)生了悲劇。 “事體過脫第二年，大張姐姐五愛中學（原惠中學塾，后改為五愛中學，再后頭改為李惠利中學，再再后頭改為比樂中學）畢業(yè)。為了支援國家建設，去黑龍江接受貧下中農(nóng)再教育了。走個箇日，12月份，張阿姨替大張姐姐早浪四點鐘就出門了。張阿姨衣著單薄，拿厚衣裳儕畀了伊，還為伊燒了十斤熟牛肉，讓伊帶之路高頭吃。大張姐姐大包小包又背又拎，怪張阿姨畀伊物事忒多沒必要，張阿姨弗停個關照啥個物事阿里隻包里尋。” 我問：“所以現(xiàn)在‘大張姐姐’屋里住個陳家，‘小張姐姐’屋里個孫家，儕是伊拉跑脫以后搬進來個？” 母親講：“弗是。小張姐姐個房間原本是主人房，頂大?，F(xiàn)在孫家屋里是拿伊房間一揦兩個一半，另外一半是鄭家。但是大張姐姐跑脫以后，最先搬進來個還弗是陳家，而是馮家，之后調(diào)畀陳家。同樣道理，小張姐姐個房間一揦兩以后，一半畀了趙家，之后調(diào)畀錢家、孫家；另外一半周家、吳家，最后到鄭家。” 我問：“再后頭，阿拉個鄰舍就陸續(xù)搬進來了？” 母親講：“對。幾年后，底樓、三層樓儕畀住滿，直到花園里也搭滿棚棚，大家地方儕緊張。 “張阿姨隔壁個勞家，勞括幣拉爸爸垃張家阿姨門口替伊自家門口當中，用磚頭砌了灶頭，勞括幣拉爸爸一燒飯，就烏煙瘴氣，張阿姨只好門一關，一家頭迓進去弗敢響?！?我講：“我曉得個，‘大張姐姐’就是去插隊落戶了，二舅舅二阿姨儕去過。好像一般性儕好回來個對伐？” 母親答：“弗是。從理論高頭講，是轉(zhuǎn)弗來個。二舅舅是要讀大學；二阿姨聲稱要照顧外婆：伊拉纔回得來。70年代末，為防止社會混亂，一般知青有大小原因借口個，儕準許回原籍。但是，有一種情況是批弗準個，就是已經(jīng)當?shù)亟Y(jié)婚個說話——除非離脫。 “大張姐姐一去就是十幾年，垃當?shù)亟Y(jié)了婚，外加養(yǎng)了一對龍鳳胎。但伊還是一家頭回上海了，講因為有嚴重個胃病?！?明顯，“大張姐姐”為了回來離婚了。 母親繼續(xù)講：“但可悲個是，伊轉(zhuǎn)來后，原來姐妹兩家頭個房間儕已住進陌生人。大張姐姐垃張阿姨屋里住了一年多，尋了居委替弗曉得多少干部，儕沒結(jié)果，最后只好再去黑龍江謀生了。” 我問：“三層樓煙囪像煞吃過炮彈，哪恁會個？講起來淞滬會戰(zhàn)打到阿拉屋里來過？” 母親講：“淞滬會戰(zhàn)地方遠了，替阿拉渾身弗搭界。講起箇樁事體，罪過了。 “小大張姐姐跑脫之后，伊拉兩間房間就儕畀政府鎖脫空關了。剛沒人竳個幾年，五愛中學個學生子——大張姐姐個學弟學妹——夜到?jīng)]事體就叫之‘消滅資本家余孽，斬草除根！’個口號，用花園里個石頭厾玻璃窗。小張姐姐個窗門畀弄得儕是洞，落雨刮風，房間里就水漫金山，拿地浪向個木頭泡爛脫，水一直從縫縫里漏到一樓。 “張阿姨去尋有關部門，講要去修，一直沒人睬伊。伊講只要替伊拿鎖開出來，伊可以自家出銅鈿修。人家干部對伊講：‘儂十幾年來，一直是拿白卡借住垃錫慶里個。房子又弗是儂個，儂管卵個閑事？’張阿姨反複解釋因為兩位張姐姐一定會得轉(zhuǎn)來個，伊求人家講：‘我倪東家留下來兩個囡兒。大囡兒去黑龍江勞動，小囡兒跟伊個朋友出去白相。伊拉雖然還沒轉(zhuǎn)來，但再多等兩年，總歸會得轉(zhuǎn)來個。房子壞得迭恁，我要修好之等伊拉轉(zhuǎn)來繼續(xù)竳?！思衣牭媚涿睢?“再后頭，一天半夜，暴雨忽閃。小張姐姐房間個壁爐畀雨水灌滿，濕透個煙囪管，賽過避雷針。一聲巨響，屋頭頂也賽過要穿脫，一米多寬磚頭砌個煙囪，應聲一斷兩。媽媽畀嚇醒，吵得睏弗著，爬起來去馬桶間，就聽見張阿姨一家頭垃房間里哭！”